Ata oğlunu yol kənarında bıçaqlayaraq qətlə yetirdi

Türkiyənin Hatay vilayətinin Dörtyol rayonuna bağlı Numune Evler məhəlləsində 22 iyul tarixində dəhşətli bir ailə faciəsi yaşanıb.

Sonxeber.az türk mediasına istinadən xəbər verir ki, motosikletlə hərəkət edən Zeki Vural (45) ilə oğlu Mehmet Vural (22) arasında mübahisə düşüb. Mübahisə zamanı ata motosikleti yol kənarında saxlayaraq oğlunu dəfələrlə bıçaqlayıb.

Hadisə şahidlərinin məlumat verməsi ilə əraziyə təcili tibbi yardım və polis qüvvələri cəlb olunub. Ağır yaralanan Mehmet Vural xəstəxanaya çatdırılsa da, onun həyatını xilas etmək mümkün olmayıb. Cəsədi məhkəmə-tibbi ekspertizadan sonra ailəsinə təhvil verilib və dəfn olunub.

Cinayət yerindən qaçmayan Zeki Vural polis tərəfindən saxlanılıb. Onun ifadəsi zamanı oğlunun maddə asılılığı səbəbindən tez-tez ailə daxilində problemlər yaratdığını, həmin gün də bu səbəbdən aralarında mübahisə yarandığını və cinayəti törətdiyini etiraf etdiyi bildirilib.

Hüquq-mühafizə orqanlarında ifadəsi alındıqdan sonra Zeki Vural məhkəməyə çıxarılıb və barəsində həbs qətimkan tədbiri seçilib.

Telegramda izləyin