Birlikdə oturduğu polisi vurdu, heç nə olmamış kimi davranmağa davam etdi - VİDEO

Kandıra rayonunun Sarısu məhəlləsində yerləşən bir kafedə polis əməkdaşı D.T., silahını çıxararaq eyni masada birlikdə oturub söhbət etdiyi O.K.-yə verdi. O.K. silahı alaraq D.T.-ni ayağından vurdu.

Sonxeber.az xəbər verir ki, yaralanan polis əməkdaşı hadisə yerinə çağırılan təcili tibbi yardım maşını ilə Kocaeli Şəhər Xəstəxanasına aparıldı. Galericiliklə (avtomobil alqı-satqısı) məşğul olduğu öyrənilən O.K. jandarma əməkdaşları tərəfindən saxlanıldı.

Hadisənin kafenin müşahidə kamerasına əks olunduğu məlum olub. Kadrlarda eyni masada əyləşən üç nəfərdən biri olan polis əməkdaşı D.T.-nin belindən silahı çıxararaq O.K.-yə verdiyi, O.K.-nin isə silahla onu vurduğu görünür. Görüntülərin davamında O.K.-nin silahı yenidən D.T.-yə qaytardığı, D.T.-nin isə onu alıb belinə taxdığı müşahidə olunur. Həmin anlarda O.K.-nin soyuqqanlı şəkildə içkisini içməyə davam etdiyi, masada olan A.A.-nın isə köynəyini çıxararaq yaralı polisin yarasını sarıdığı görünür.

Məlumata görə, güllə Kandıra Rayon Polis İdarəsində xidmət edən D.T.-nin atardamarına dəyib və onun vəziyyəti ağır olaraq qalır. Jandarmadakı proseslər tamamlandıqdan sonra O.K. məhkəməyə çıxarılıb və barəsində həbs qərarı verilib.

Hadisə ilə bağlı istintaq davam edir.

Telegramda izləyin