Dəhşətli ailə faciəsi: Ata həyat yoldaşı və qızını qətlə yetirib, intihar etdi

Adananın Çukurova rayonunda yerləşən Toros məhəlləsində dəhşətli ailə faciəsi baş verib.

Sonxeber.az türk mediasına istinadən xəbər verir ki, infaz qoruma əməkdaşı Eyüp Verimli hələlik naməlum səbəbdən həyat yoldaşı Merve və qızı Elif Verimlini tapança ilə güllələyərək öldürüb. Daha sonra o, eyni silahla intihar edib.

Kiçik qızı qaçaraq xilas olub

Hadisə zamanı evdə olan ailənin digər qızı Eda Verimli silah səslərini eşidərək evdən qaçıb və qonşulara xəbər verib. Qonşuların hadisə ilə bağlı 112 Fövqəladə Çağrı Mərkəzinə məlumat verməsi nəticəsində əraziyə polis və təcili tibbi yardım əməkdaşları cəlb olunub.

Polislərin hadisə yerinə gəldiyini görən Eyüp Verimli təslim olmaq istəməyib və özünü güllələyərək həyatına son qoyub.

Hadisə yerinə daxil olan təcili yardım işçiləri Eyüp, Merve və Elif Verimlinin həyatını itirdiyini təsdiqləyiblər. Dəhşətli xəbərdən sonra binanın qarşısına toplaşan ailə üzvləri və yaxınları yıxılıblar.

Hadisə ilə bağlı istintaq davam etdirilir.

Dikkət çəkən paylaşım: "Mən səni səhvən sevdim"

Qətlə yetirilən Merve Verimlinin sosial şəbəkə hesabında yazdığı, "Qızlarım yanımda olduqca mənə heç nə olmaz", eləcə də "Sən məni təsadüfən gördün, mən səni səhvən sevdim" sözləri faciədən sonra diqqət çəkib.

Telegramda izləyin