67 yaşlı kişiyə hücum edərək soyğunçuluq törətdilər - VİDEO

İstanbulun Beyoğlu rayonunda baş verən soyğunçuluq hadisəsi ictimaiyyət arasında böyük narazılıq yaradıb.

Sonxeber.az türk mediasına istinadən xəbər verir ki, metroya getmək üçün piyada hərəkət edən 67 yaşlı bir kişi iki nəfərin hücumuna məruz qalıb. Şübhəlilər yaşlı kişinin boğazını sıxaraq onun mobil telefonunu və bank kartlarını ələ keçiriblər.

Hadisədən sonra polisə müraciət edən zərərçəkənin verdiyi məlumat əsasında aparılan əməliyyat tədbirləri nəticəsində 24 yaşlı M.K. və 17 yaşlı A.T. qısa müddətdə saxlanılıb. Onlar polis idarəsindəki əməliyyat-istintaq tədbirlərindən sonra məhkəməyə çıxarılıb və barələrində həbs qətimkan tədbiri seçilərək cəzaçəkmə müəssisəsinə göndəriliblər.

Telegramda izləyin