14 yaşlı qız 4-cü mərtəbədən yıxılaraq ağır yaralanıb

Aksarayın Cumhuriyet məhəlləsində yerləşən 5 mərtəbəli binada faciəvi hadisə baş verib.

Sonxeber.az türk mediasına istinadən xəbər verir ki, səhər saat 11:00 radələrində anası Emine Koçak "Halk Ekmek"dən çörək alıb evə qayıdarkən, 14 yaşlı Zeynep Koçak pəncərədən ona baxmaq istəyib. Bu zaman qız tarazlığını itirərək 4-cü mərtəbədən yerə yıxılıb.

Anası dərhal qızının yanına qaçaraq qonşulardan kömək istəyib. Hadisə yerinə polis və təcili tibbi yardım çağırılıb. İlk tibbi yardım göstərildikdən sonra Zeynep Koçak Aksaray Təhsil və Araşdırma Xəstəxanasına aparılıb. Onun həyatının təhlükədə olduğu bildirilib.

Eyni binada yaşayan qonşulardan İnayet İnceöz hadisə anını belə təsvir edib: "Uşaq çörək alıb gələn anasına baxmaq istəyərkən yıxılıb. Biz aşağı enəndə o, qanlar içində yerə uzanmışdı. Anası başında dayanmışdı. Qonşumuz Emine hadisəni şok içində izah etməyə çalışırdı, danışmaqda belə çətinlik çəkirdi."

Hadisə ilə bağlı araşdırma davam edir.

Telegramda izləyin