Marketdən aldığı kolanın içindən ölü arı çıxdı

Ankaranın Sincan rayonunda yaşayan Murat Kubilay, yerli marketdən aldığı 1 litrlik plastik şüşədəki kolanın içində ölü arı tapıb.

Sonxeber.az türk mediasına istinadən xəbər verir ki, hadisə ailədə təəccüb və narahatlıq yaradıb, məsələ ilə bağlı ABŞ mənşəli məşhur içki istehsalçısının nümayəndələrinə qarşı hüquqi proses başlanıb.

Murat Kubilay baş verənlərdən sonra ailə vəkilləri Mehmet Azar vasitəsilə Ankara Cumhuriyyət Baş Prokurorluğuna müraciət ediblər. Kubilay, sosial media və WhatsApp üzərindən şirkətə məlumat verdiklərini, lakin ciddi geri dönüş almadıqlarını bildirib:

"Tanınmış bir markanın məhsulunda belə bir şey necə ola bilər? Bu, həm narahatlıq, həm də məyusluq yaradır. Yasal yolla haqqımızı tələb edəcəyik." – deyə o qeyd edib.

Yasemin Kubilay isə şirkətin məhsulu onlardan təhvil almaq istədiyini, lakin şüşənin açılması ilə sübutun itəcəyini düşündükləri üçün bunu qəbul etmədiklərini bildirib:
"Onlara foto və seri nömrəsini göndərdim, amma hələ də ciddi reaksiya görmədim. Bu, xalq sağlamlığını təhdid edən bir məsələdir."

Ailə vəkili Mehmet Azar isə belə deyib:
"Əgər müştərilərimdə arıya qarşı allergiya olsaydı və bu içkiyi içsəydilər, həyati təhlükə ilə üzləşə bilərdilər. Bu, istehsalatdakı ciddi laqeydliyin göstəricisidir və həm hüquqi, həm də inzibati tədbirlər görülməlidir."

Məsələ ilə bağlı həm Tüketicinin Korunması Haqqında Qanun, həm də Kənd Təsərrüfatı və Meşə Nazirliyi çərçivəsində araşdırma aparılması üçün müraciət ediləcəyi bildirilib.

Telegramda izləyin