Parkda mübahisəni ayırmaq istəyən qadın güllələndi

Türkiyənin İstanbul şəhərinin Bakırköy rayonunda iki nəfər arasında baş verən mübahisəni ayırmaq istəyən qadın silahla ayağından vurulub.

Sonxeber.az türk mediasına istinadən xəbər verir ki, hadisə Zuhuratbaba məhəlləsi, Gənclər küçəsində qeydə alınıb.

Məlumata görə, parkda oturan iki şəxs arasında hələ müəyyən olunmayan səbəbdən mübahisə yaranıb. Bu vaxt yanlarına yaxınlaşan bir qadın tərəfləri sakitləşdirməyə çalışıb. Lakin mübahisə edən şəxslərdən biri belindəki silahı çıxararaq atəş açıb. Güllə, qadının ayağına dəyib.

Silahlı şəxs hadisə yerindən qaçıb. Ətrafdakıların xəbəri üzərinə əraziyə polis və təcili tibbi yardım qrupları göndərilib. Yaralı qadına hadisə yerində ilkin tibbi yardım göstərilib və o, təcili yardım maşını ilə xəstəxanaya aparılıb.

Polis hadisə yerində araşdırma aparıb və qaçan şübhəlini yaxalamaq üçün əməliyyata başlayıb.

Telegramda izləyin