Sivasda "cinli kənd"ə gedən gənc bir gecə orada qaldı

Sivasın Şarkışla rayonunda yerləşən Kışla kəndi, 15 il əvvəl "cinlərin məskunlaşdığı" barədə yayılan şayiələrdən sonra tamamilə tərk edilib. O vaxtlar 20 evdən ibarət olan kənddə yaşayan bütün ailələr buranı boşaldıb. İllərdir baxımsız qalan evlər isə indi xarabalığa çevrilib.

Sonxeber.az türk mediasına istinadən xəbər verir ki, İstanbulda yaşayan 26 yaşlı macəra həvəskarı İbrahim Koyuncu, internetdə kəndlə bağlı yayılan məlumat və videolara rast gələrək buranı ziyarət etmək qərarına gəlib. Adrenalin maraqlısı olan Koyuncu, "cinli kənd"də bir gecə keçirib, tərk edilmiş evləri və məscidi dolaşaraq həmin anları kameraya çəkib. Evlərə "Bismillah" deyərək girən gənc, "Tükpərdən bir təcrübə idi, həqiqətən çox qorxuncdu" sözlərini deyib.

İbrahim Koyuncu, ekstremal yerləri ziyarət etməyi sevdiyini vurğulayaraq belə deyib:

"Adətən mağaralara, tərk edilmiş yerlərə gedirəm, orada videolar çəkirəm. Bu kəndi internetdə araşdırarkən gördüm. ‘Cinli kənd’ deyirdilər. Həqiqətini öyrənmək üçün gəlib burada gecələdim. Tərk edilmiş məscid və evlərdən ibarət bir kənddir. İndi hamısını bir-bir gəzəcəyəm. Əvvəllər də bir çox kəndə getmişəm. Yol xəritəmdə hələ çox yer var. Ekstremal idmanla məşğul oluram, mağaralar, hərbi tunellər, sığınacaqlar — təhlükə haradadırsa, mən də oradayam. Mən adrenalin maraqlısıyam"

Telegramda izləyin