Sahildə qadına yumruqla hücum – Şübhəli saxlanıldı - VİDEO

İstanbulun Avcılar rayonunda, Ambarlı sahilində qadına qarşı zorakılıq hadisəsi yaşanıb.

Sonxeber.az türk mediasına istinadən xəbər verir ki, hadisə dünən saat 21:30 radələrində baş verib.

Sahildə birlikdə gəzən cütlük arasında naməlum səbəbdən mübahisə yaranıb. Mübahisə zamanı M.A. adlı kişi yanında olan qadına yumruqla zərbələr endirib. Qadını xilas etməyə çalışan ətrafdakı insanlara da aqressiv reaksiya göstərən şübhəli, hadisə yerinə çağırılan polis əməkdaşları tərəfindən saxlanılıb.

Məlumata görə, döyülən qadının sağlamlıq vəziyyəti yaxşıdır. Şübhəlinin isə polis idarəsindəki prosedurlar tamamlandıqdan sonra məhkəməyə göndəriləcəyi bildirilib.

Ətrafdakı şahidlər M.A.-nın qadına hücum etdiyi anları mobil telefon kamerası ilə qeydə alıblar.

Telegramda izləyin