Sevgilisindən qaçmaq üçün körpüdən özünü atmaq istədi – Polis müdaxilə etdi

Aksarayın mərkəz rayonuna bağlı Çerdiğin məhəlləsində gənc qadın ilə sevgilisi arasında baş verən mübahisə gərgin anlara və polisin müdaxiləsinə səbəb olub.

Sonxeber.az türk mediasına istinadən xəbər verir ki, Betül K. və sevgilisi Enes S. yol kənarında park etdikləri avtomobilin içində mübahisə etməyə başlayıblar. Söz davası böyüyəndə Betül K. avtomobildən düşərək hadisə yerindən uzaqlaşmaq istəyib. Alkollu olan Enes S. isə sevgilisinin getməsinə mane olmağa çalışıb. Qaçaraq Küçük Bölcek körpüsünə çatan Betül K., burada sevgilisi tərəfindən tutulub.

Qurtula bilməyəcəyini anlayan gənc qadın əsəblərinə hakim ola bilməyərək ayağını körpünün dəmir məhəccərinə qoyub atılmaq istəyib. Sevgilisindən uzaqlaşmaq üçün körpüdən qarşı tərəfə keçməyə çalışan Betül K.-ya Enes S. yenidən mane olmağa cəhd edib.

Qışqırıq səslərini eşidən məhəllə sakinləri vəziyyəti 112 Təcili Çağrı Mərkəzinə bildiriblər. Hadisə yerində olan alkollu bir başqa şəxs – Engin adlı vətəndaş gənc qadına kömək etmək istəsə də, Betül K. bu dəfə köməyə ehtiyacı olmadığını, Enes-in onun həyat yoldaşı olduğunu deyib. Buna baxmayaraq, Engin qadını tək buraxmaq istəməyib.

Qısa müddət sonra hadisə yerinə polis və məhəllə nəzarətçiləri gəlib. Enes S. ilə Engin arasında qarşıdurma yaşanıb, lakin polis və nəzarətçilər müdaxilə edərək davanı dayandırıblar.

Davanın ardından Enes S. yenidən sevgilisinin yanına gedib. Betül K. onu avtomobilə mindirməyə çalışsa da, Enes S. minməkdən imtina edib. Bundan sonra qadın sevgilisinə əl qaldıraraq təhqir edib və zorla avtomobilə oturdub. Polis isə hər iki şəxsin kimliyini yoxlayıb.

Betül K.-nın şikayətçi olmaması səbəbilə Enes S. sərbəst buraxılıb. Sevgilisi ilə getmək istəməyən Betül K. isə ailəsinə təhvil verilmək üçün polis tərəfindən qoruma altına alınıb. Polis maşınına mindirilən gənc qadına "Aşkım" deyə yaxınlaşan Enes S., polis tərəfindən oradan uzaqlaşdırılıb.

Telegramda izləyin