Hindistanda ictimai yerlərdə göyərçinləri yemləmək qadağan edildi

Hindistanın qərbində yerləşən Mumbay şəhərində ictimai məkanlarda göyərçinləri yemləmək rəsmi şəkildə qadağan olunub.

Sonxeber.az xarici mediaya istinadən xəbər verir ki, qərarın səbəbi göyərçinlərin sürətlə artan sayı və onların yaratdığı ciddi sağlamlıq problemləridir.

Məlumata görə, Hindistanda göyərçinlərin populyasiyası 2000-ci ildən bəri 150 faizdən çox artıb. Araşdırmalar göstərir ki, göyərçinlərin nəcisi ağciyər iltihabı, göbələk infeksiyaları və qalıcı tənəffüs problemlərinə səbəb ola bilər.

2023-cü ildə açıqlanan "State of India’s Birds" hesabatında bildirilir ki, hər bir göyərçin il ərzində 15 kiloqrama qədər nəcis ifraz edir. Ekspertlərin sözlərinə görə, bu da həm ekoloji, həm də ictimai sağlamlıq baxımından böyük təhlükə yaradır.

Bundan əvvəl Hindistanın paytaxtı Dehlidə bir uşağın uzun müddət göyərçin nəcisinin təsirinə məruz qalaraq həyatını itirməsi hadisəsi, mövcud risklərin ciddiliyini bir daha gündəmə gətirmişdi.

Telegramda izləyin