Məşhur aktrisanı əqrəb sancıb

Məşhur türk aktrisa Bige Önalı əqrəb sancıb.

Sonxeber.az türk mediasına istinadən xəbər verir ki, türk futbolunun unudulmaz simalarından Erhan Önalın qızı, aktrisa Bige Önal tətil üçün getdiyi Assosda gözlənilməz hadisə ilə üzləşib. Təbiət qoynunda istirahət edən məşhur aktrisanı əqrəb sancıb.

Hadisədən sonra ətrafdakıların köməyi ilə dərhal xəstəxanaya çatdırılan Önal, həkimlərin ilk müdaxiləsindən sonra müalicə olunaraq evə buraxılıb. Onun səhhətinin yaxşı olduğu bildirilib. Qısa müddətli təşviş yaradan bu hadisə, aktrisanın pərəstişkarlarını da narahat edib.

Bige Önalı xəstəxanada tək buraxmayan həmkarı və yaxın dostu Necip Memili sosial şəbəkədə paylaşımı ilə diqqət çəkib. O, birlikdə çəkilmiş fotonu paylaşaraq, hadisəni yumorla belə şərh edib:
"Nə vaxt canımız sıxılsa, ya da əqrəb sancsa, xəstəxanaya gedib tost-ayran yeyirik"

Memilinin bu hadisəyə zarafatla yanaşması sosial şəbəkədə təbəssümlə qarşılanıb və onların dostluğuna dair müsbət təəssürat yaradıb.

Telegramda izləyin