Toyda açılan atəş qadınları qorxuya saldı - VİDEO

Trabzonun Çaykara rayonunda gəlin alma mərasimi zamanı açılan atəş nəticəsində bir nəfərin həlak olmasının ardından bölgədə yeni görüntülər böyük narazılıq yaradıb.

Sonxeber.az türk mediasına istinadən xəbər verir ki, bu dəfə Araklı rayonunda toy zamanı çəkilən görüntülərdə silahların atılmasına görə qadınların panik içində qaçdığı əks olunub. Hadisə sosial şəbəkələrdə "Toya gəldik, əməliyyatın ortasına düşdük" qeydi ilə paylaşılıb.

Çaykaradakı faciənin hələ də gündəmdə olduğu bir vaxtda yayılan bu görüntülər cəmiyyətdə "Bu qədərinə də pes" reaksiyasına səbəb olub.

Qısa müddətdə geniş müzakirə olunan kadrların altına çoxsaylı şərhlər yazılıb: "Nə vaxt şüurlu bir cəmiyyət olacağıq?", "Ağıllanırıqmı? Xeyr", "Hələ də gülürlər, vallah ağıl yoxdur", "Mənim anlamadığım niyə gülürlər?", "Belə kef üçün başqasının həyatını qaraldanlara ömürlük həbs vermək lazımdır"

Telegramda izləyin