Gölə düşən 6 yaşlı uşaq həyatını itirdi - VİDEO

Küçükçekmece gölə düşən 6 yaşlı uşaq xəstəxanada həyatını itirib.

Sonxeber.az türk mediasına istiadən xəbər verir ki, hadisə axşam saatlarında İstanbulun Küçükçekmece rayonunun Kanarya məhəlləsində baş verib. Məlumata görə, otizmli olduğu deyilən 6 yaşlı Adem Barikin itkin düşməsi barədə polisə məlumat verilib. Daha sonra bir vətəndaş onu göldə hərəkətsiz halda görərək hüquq-mühafizə orqanlarına xəbər verib.

Ətrafdakıların köməyi ilə sudan çıxarılan uşaq ilkin tibbi yardım göstərildikdən sonra xəstəxanaya aparılıb. Lakin həkimlərin bütün müdaxilələrinə baxmayaraq, 6 yaşlı Adem Barikin həyatını xilas etmək mümkün olmayıb.

Uşağın hansı şəraitdə gölə düşdüyü hələlik məlum deyil. Polis faktla bağlı araşdırmanı davam etdirir.

Telegramda izləyin