Niyə yumurtanı bıçaqla qırmamalısınız: hətta təcrübəli evdar qadınlar da bunu bilmirlər

Yumurta gündəlik rasionun ən populyar və faydalı məhsullarından hesab olunur. Onların hazırlanması sadə görünsə də, bir detal çox vaxt diqqətdən kənarda qalır, bud a yumurtanın necə sındırılmasıdır.

Lent.az xarici mediaya istinadla bildirir ki, bir çox insan bunu bıçaqla etməyi rahat üsul saysa da, əslində bu vərdiş sağlamlıq üçün təhlükəli ola bilər.

Niyə yumurtanı bıçaqla sındırmaq olmaz?

Bakteriyaların daxil olma riski. Yumurtanın qabığında tez-tez toz, kir və hətta salmonella kimi təhlükəli bakteriyalar ola bilər. Bıçaqla sındırıldıqda bu mikroorqanizmlər birbaşa yumurtanın içinə düşür.

Qabıq qalıqlarının yeməyə qarışması. Bıçaq kəskin və nizamsız kəsik etdiyindən qabığın xırda qırıntıları asanlıqla yeməyə qarışa bilər. Bu isə selikli qişanı qıcıqlandıra və hətta mexaniki zədələnməyə səbəb ola bilər.

Dad və qoxunun pozulması. Bıçaq yumurtanın təbii strukturunu zədələdiyindən o, tez oksidləşir. Nəticədə bişirilən yeməklərdə xoşagəlməz acımtıl dad yaranır.

Təmizlik qaydalarının pozulması. Peşəkar mətbəxlərdə yumurta yalnız qabın kənarına vurularaq sındırılır. Çünki bıçaqlar digər ərzaqlar üçün steril saxlanılmalıdır. Onları yumurtaya toxundurmaq kəsişən infeksiyalara yol aça bilər.

Yumurtanı necə düzgün sındırmaq olar?
Yumurtanı qabın və ya masanın kənarına vuraraq açın, istifadədən əvvəl yumurtaları mütləq axar suda yuyun, yumurta səthə düşərsə, mütləq antiseptiklə təmizləyin. Heç vaxt eyni bıçağı həm çiy yumurtada, həm də hazır yeməklərdə istifadə etməyin.

Mütəxəssislər vurğulayırlar ki, bu sadə qaydalara əməl etməklə həm yeməyin dadını qorumaq, həm də sağlamlıq üçün potensial təhlükələrin qarşısını almaq mümkündür.

Telegramda izləyin