Cənazədə dava: Keçmiş millət vəkili döyüldü

Kocaelinin Gebzə rayonunda keçmiş millət vəkili Cemalettin Kaflının dəfn mərasimində insident yaşanıb.

Sonxeber.az türk mediasına istinadən xəbər verir ki, İYİ Partiyanın keçmiş rəhbər şəxslərindən biri tərəfindən döyüldüyünü iddia edən Enes T. xəstəxanaya yerləşdirilib.

Hadisə Çoban Mustafa Paşa məscidində baş verib. Dəfn mərasimində iştirak edən jurnalist Enes T., İYİ Partiyanın keçmiş idarəçi üzvü Tekin Y. tərəfindən döyüldüyünü bildirib. O, təcili yardımla xəstəxanaya aparılıb və polisə şikayət edib. Enes T. açıqlamasında mərasimdə İYİ Partiya millət vəkili Lütfü Türkkanın da olduğunu və hadisənin onun yanında baş verdiyini qeyd edib:

"Uzun illərdir Kocaelidə jurnalist kimi fəaliyyət göstərirəm. Bu gün hücuma məruz qaldım. Dəfn mərasimində olduğum vaxt Tekin Y. adlı şəxs məni çölə çağırdı. Mərasim maşınının yanında ağır söyüşlərlə üzərimə gəldi və sərt bir əşya ilə dəfələrlə başıma vurdu. Yaralandım, hazırda xəstəxanadayam. Bu hərəkətə görə şikayətçiyəm," – deyə Enes T. bildirib.

Hadisədən sonra sosial şəbəkədə açıqlama verən Tekin Y. isə ittihamları rədd edib:
"Bir müddət əvvəl dükanımda məndən veresiye telefon istəyən bu şəxs, özünü jurnalist kimi təqdim edərək, siyasetlə məşğul olduğum üçün mənə işimin düşəcəyini, buna görə də veresiye verməyimin faydalı olacağını dedi. Mən isə imtina etdim. Bu gün dəfn mərasimində qarşılaşanda mənə təhqirlər yağdırdı və məni hədələdi. Bunun üzərinə aramızda mübahisə və qarşıdurma yaşandı. Hadisənin siyasi tərəfi yoxdur," – deyə o, bildirib.

Telegramda izləyin