Anasını narahat edən ev sahibi dəfələrlə bıçaqladı

Erzurumda 16 yaşlı yeniyetmə, anasını etik olmayan ifadələrlə narahat edən ev sahibini dəfələrlə bıçaqlayaraq ağır yaralayıb.

Sonxeber.az türk mediasına istinadən xəbər verir ki, hadisə Yakutiye rayonunun Emin Kurbu məhəlləsində, Liviya küçəsində yerləşən bir oteldə baş verib. Məlumata görə, Ardahanda çalışan E.S. (16) anasının Erzurumda ev sahibi L.B. tərəfindən uzun müddət etik olmayan sözlərlə narahat edildiyini öyrənib. Bundan sonra E.S., L.B.-nin iş yerinə gedərək ona "Sənmisən?" deyib və üzərində gətirdiyi bıçaqla hücum edib.

L.B. bədənin müxtəlif nahiyələrindən bıçaqlanaraq ağır yaralanıb. O, təcili yardım maşını ilə Şəhər Xəstəxanasına çatdırılıb və əməliyyata alınıb. Həkimlər onun həyatının hələ də təhlükədə olduğunu açıqlayıb.

Hadisə yerindən qaçan E.S. isə sosial şəbəkə vasitəsilə Pusula Qəzeti ilə əlaqə saxlayaraq özünü ihbar edib. O, sakit tərzdə bıçaqlama anını danışaraq bunu "namus üçün etdiyini" bildirib. Qəzet əməkdaşları əvvəlcə mesajla, sonra telefonla E.S. ilə danışıb və məlumatı dərhal polisə ötürüb.

Təxminən 5 saat davam edən axtarışlardan sonra E.S. axşam saatlarında Yakutiye rayonunun Mahalləbaşı ərazisində küçədə hərəkət edərkən Uşaq Şöbəsi əməkdaşları tərəfindən saxlanılıb. O, ifadəsi alınmaq üçün polis idarəsinə aparılıb.

Telegramda izləyin