Avtomobil uçuruma yuvarlandı, bir ailə məhv oldu

Türkiyədə, Giresunun Yağlıdərə ilçəsinə bağlı Geyikçi Yaylasında ürək dağlayan qəza baş verib.

Sonxeber.az türk mediasına istinadən xəbər verir ki, yayladan qayıdan, Mustafa Bayramın idarə etdiyi xarici nömrə nişanlı avtomobil, iddialara görə, güclü duman səbəbindən uçuruma yuvarlanıb.

Hadisə şahidlərinin məlumatı əsasında əraziyə jandarma, təcili tibbi yardım və AFAD əməkdaşları cəlb olunub. Təhlükəli şəkildə yuvarlanan avtomobilin olduğu yerə çatan qruplar sürücü Mustafa Bayram, həyat yoldaşı Hüsniyə Bayram və anası Emine Bayramın həyatını itirdiyini müəyyən ediblər.

Ailənin digər üzvü Murat Bayram isə yaralı halda xilas edilərək, ilkin tibbi yardım göstərildikdən sonra Yağlıdərə Dövlət Xəstəxanasına aparılıb.

Məlum olub ki, ABŞ-da yaşayan Bayram ailəsi bir müddət əvvəl istirahət üçün vətənlərinə gəlib.

Qəza ilə bağlı araşdırma davam etdirilir.

Telegramda izləyin