Yerə siqaret kötüyü atan vətəndaş polisə görün nə dedi: "Avropadan gəldiyim üçün bilmirdim" - VİDEO

Düzcedə avqust ayında start verilən kampaniya çərçivəsində Zabıta və Təmizlik İşləri İdarəsinin əməkdaşları nəzarətləri gücləndirib.

Sonxeber.az türk mediasına istinadən xəbər verir ki, əl kameraları ilə küçələrdə gəzən polislər, yerə zibil və siqaret kötüyü atan şəxsləri aşkarlayaraq 5326 saylı Xırda Xətalar Qanununa uyğun olaraq cərimələyirlər.

Nəzarətlər zamanı bəzi sakinlərin polis əməkdaşlarını görən kimi yerə atdıqları siqaret kötüyünü götürməyə çalışdıqları da müşahidə olunub.

Lakin bir vətəndaşın bəhanəsi diqqət çəkib. Yerə siqaret kötüyü atan şəxs, cərimələnəcəyini eşidəndə polis əməkdaşlarına belə cavab verib:

"Avropadan gəldiyim üçün bilmirdim."

Bundan başqa, müəyyən olunmuş saatlardan kənar zibil çıxaran və ya tullantılarını konteynerdən kənara atan sahibkarlar barəsində də inzibati tədbirlər görülür.

Telegramda izləyin