Uğurlu insanların özlərinə demədikləri 5 ifadə

Psixoloq və Yel Universitetinin müəllimi Emma Seppala uğurlu insanların heç vaxt özlərinə ünvanlamadıqları beş ifadəni vurğulayır.

Sonxeber.az Lent.az-a istinadla xəbər verir ki, mütəxəssisin fikrincə, bu cür ifadələrin daim təkrarlanması şəxsi inkişafı ləngidə, özünütənqidi gücləndirə bilər. Seppala daha sağlam alternativlər də təklif edir ki, bunlar potensialın inkişafına və emosional tarazlığın qorunmasına kömək edir.

Çəkinməli olduğunuz beş ifadə:

1."Mən kifayət qədər yaxşı deyiləm".

Bu düşüncə özünəinamı sarsıdır, narahatlıq və depressiyaya səbəb ola bilər.

Alternativ: "Hazırda mənə nə yaxşı təsir edər?"

Araşdırmalar göstərir ki, özünə qarşı mərhəmət göstərmək enerjini və pozitiv əhvalı artırır.

2. "Mən buna heç vaxt nail olmayacağam".

Bu fikir motivasiyanı öldürür.

Alternativ: "Mənə sadəcə daha çox təcrübə lazımdır".

Belə yanaşma çətinlikləri öyrənmə prosesinin bir hissəsi kimi qəbul etməyə imkan verir.

3. "Mən uğursuzam".

Bu dağıdıcı inam insanı gücsüz edir.

Alternativ: "Mən çox şey öyrəndim".

Bu halda siz öz yolunuzu və əldə etdiyiniz bilikləri dəyərləndirmiş olursunuz.

4. "İnanmıram ki, bunu etdim, necə də axmağam".

Səhvlər öyrənmənin ayrılmaz hissəsidir.

Alternativ: "Heç kim ideal deyil" və ya "Hər kəs səhv edir".

Özünüzə qarşı dözümlü olun və səhvləri inkişaf fürsəti kimi qəbul edin.

5. "Mən başqalarından pisəm".

Başqaları ilə müqayisə çox vaxt dağıdıcı olur.

Alternativ: "Məni fərqli və güclü edən özünəməxsus keyfiyyətlərim var".

Özünəməxsusluğunuza və güclü tərəflərinizə fokuslanın.

Telegramda izləyin