Dəhşətli qəza kameralara düşdü: Avtomobilin idarəetməsini itirərək dayanmış maşına çırpıldı

Kahramanmaraşın Elbistan rayonunda avtomobil idarəetməni itirərək dayanmış digər nəqliyyat vasitəsinə çırpılıb. Qəza anı təhlükəsizlik kameralarına əks olunub.

Sonxeber.az türk mediasına istinadən xəbər verir ki, məlumata görə, 20 yaşlı E.Y.-nin idarə etdiyi 06-EF-077 dövlət nömrə nişanlı avtomobil Muhsin Yazıcıoğlu bulvarında hərəkətdə olarkən sürücünün idarəetməni itirməsi nəticəsində park halında olan avtomobilə çırpılıb.

Zərbənin gücü ilə sürücü xəsarət alıb, avtomobillərə isə ciddi ziyan dəyib. Hadisəni görən sakinlərin məlumatı əsasında əraziyə təcili tibbi yardım və polis əməkdaşları cəlb olunub.

Yaralı sürücü ilkin tibbi yardımdan sonra Elbistan Dövlət Xəstəxanasına aparılıb. Onun vəziyyətinin yaxşı olduğu bildirilib. Faktla bağlı araşdırma aparılır.

Telegramda izləyin