16 və 17 yaşlı qızların davasi qanla bitdi

Çorum şəhərində iki gənc qız arasında baş verən mübahisə faciəvi sonluqla nəticələnib.

Sonxeber.az türk mediasına istinadən xəbər verir ki, məlumata görə, aralarında əvvəlcədən ədavət olduğu deyilən 17 yaşlı Ş.E.E. ilə 16 yaşlı Y.A. danışmaq üçün Kent Parkda görüşüblər.

Görüş zamanı mübahisə böyüyərək davaya çevrilib. Bu zaman Y.A. üzərindəki tapança ilə atəş açaraq Ş.E.E.-ni yaralayıb. Hadisə yerinə dərhal polis və təcili tibbi yardım briqadaları cəlb olunub.

Yaralı qız tibbi yardım göstərildikdən sonra Hitit Universiteti Erol Olçok Təhsil və Araşdırma Xəstəxanasına yerləşdirilib. Şübhəli Y.A. isə polis tərəfindən saxlanılıb.

Telegramda izləyin