Yol kənarında kişi meyiti tapıldı

Adananın Sarıçam rayonunun Çarkıpare məhəlləsində dəhşətli hadisə baş verib.

Sonxeber.az türk mediasına istinadən xəbər verir ki, səhər işə gedən sakinlər yol kənarındakı kolluqlar arasında hərəkətsiz vəziyyətdə yatan bir kişini görüblər. Dərhal polis və təcili tibbi yardım əməkdaşlarına məlumat verilib.

Hadisə yerinə gələn əməkdaşlar həmin şəxsin 47 yaşlı M.A. olduğunu və artıq həyatını itirdiyini müəyyənləşdiriblər. İlkin araşdırmalar zamanı meyitin üzərində bıçaq və ya odlu silah yarasına rastlanmayıb.

Hadisənin intihar ola biləcəyi ehtimalı üzərində dayanılır. Meyit tibbi ekspertiza aparılması üçün Adana Ədli Tibb Qurumu morquna göndərilib. Faktla bağlı araşdırma aparılır.

Telegramda izləyin