İddia üçün özünü çaya atdı, 8 gündür axtarılır - VİDEO

Hindistanda baş verən faciəvi hadisə həm ölkə ictimaiyyətini, həm də sosial şəbəkəni sarsıdıb.

Sonxeber.az xarici mediaya istinadən xəbər verir ki, dostları ilə girdiyi bir iddia nəticəsində təxminən 200 türk lirəsi müqabilində çaya atılan gəncdən artıq 8 gündür xəbər yoxdur.

Şahidlərin sözlərinə görə, gənc dostları ilə söhbət zamanı cəsarət mövzusunda yaranan mübahisə nəticəsində pul qarşılığında özünü çaya atmağa razılaşıb.

Ətrafda olan digər şəxslər hadisəni mobil telefonla qeydə alıblar. Kadrlarda gəncin suya atıldıqdan sonra bir müddət üzməyə çalışdığı, lakin güclü axına qapılaraq qısa zamanda gözdən itdiyi görünür.

Hadisədən dərhal sonra polis və xilasedicilər əraziyə cəlb olunub. Dalgıçların günlərlə davam edən axtarışlarına baxmayaraq, hələlik gəncin izinə rast gəlinməyib. Axtarış işləri səkkizinci gününə girərkən, ailə ümidli gözləntilə intizar içindədir.

Telegramda izləyin