19 yaşlı oğlan anasını, qardaşını və qonşusunu güllələyib, intihara cəhd etdi

Aksarayda dəhşətli ailə faciəsi baş verib.

Sonxeber.az türk mediasına istinadən xəbər verir ki, 19 yaşlı Ömər Can Tan qonşusu və ailə üzvlərini güllələyib, daha sonra intihara cəhd edib.

Hadisə saat 19:30 radələrində Hassas məhəlləsi, 6717-ci küçədəki birmərtəbəli evin qarşısında qeydə alınıb. Əvvəlcə qonşusu Kuddusi Altıparmak (26) ilə mübahisə edən Ömər Can Tan, onu silahla əlindən vurub. Daha sonra isə öz qardaşı Umut Tanı (9) başından, anası Medinə Tanı (41) isə baş və çiynindən güllələyib. Ardınca eyni silahla öz başına atəş açaraq intihara cəhd edib.

Silah səsləri ərazidə yaşayanlarda təşviş yaradıb. Hadisə barədə məlumat alan polis və təcili tibbi yardım əməkdaşları dərhal ünvana gəlib. Yaralılara ilkin tibbi yardım göstərildikdən sonra onlar Aksaray Tədris və Araşdırma Xəstəxanasına yerləşdiriliblər.

Məlumata görə, Ömər Can Tan, anası Medinə Tan və qardaşı Umut Tanın vəziyyəti ağır olaraq qalır. Faktla bağlı polis tərəfindən araşdırma aparılır.

Telegramda izləyin