Çuxura düşən avtomobilini çıxarmağa çalışanda, tüfənglə vuruldu

Kayseridə qəribə hadisə baş verib.

Sonxeber.az türk mediasına istinadən xəbər verir ki, Kocasınan rayonunun Anbar məhəlləsində Y.Y. adlı şəxs idarə etdiyi panelvan avtomobili ilə manevr edərkən çuxura düşüb.

Maşını çuxurdan çıxarmağa çalışan Y.Y.-yə uzaq məsafədən ov tüfəngindən açılan atəş nəticəsində güllə dəyib. Hadisə barədə məlumat alan polis və təcili tibbi yardım əməkdaşları əraziyə cəlb olunub.

Polis təhlükəsizlik tədbirləri görüb, təcili yardım isə Y.Y.-nin başındakı qanamaya müdaxilə edib. Polis hadisəni törədən şəxsin müəyyən edilərək saxlanılması üçün araşdırmalara başlayıb.

Hadisəni danışan Y.Y. isə belə deyib:

"Manevr etmək üçün geri gəlirdim, təkər çuxura düşüb quma ilişdi. Maşını çıxarmağa çalışarkən telefonumu götürdüm. Elə həmin anda silah səsi eşitdim. Başımda qanı görəndə qorxub gizləndim. Tüfəng uzaqdan atıldı, güllələr həm avtomobilə, həm də mənə dəydi"

Telegramda izləyin