Müharibə proqnozu - Qarabağda toqquşmalar qızışacaq

Həm Azərbaycan, həm Ermənistan hərbi hazırlıq görür

"Qarabağda müharibə qaçılmazdır".

Bunu rus hərbi ekspert Pavel Felgenqhauer deyib. Onun sözlərinə görə, regionda vəziyyətin yenidən gərginləşməsi mümkündür. "Ehtimal var, ancaq bunun nə zaman baş verə biləcəyini dəqiq deyə bilmərəm. Mən hesab edirəm ki, yekun nəticədə eskalasiya praktik olaraq qaçılmazdır, çünki tərəflər arasında ciddi danışıqlar yoxdur. Mövqelər uyğun gəlmir. Hesab edirəm ki, Qarabağ cəbhəsində, hətta Azərbaycan-Ermənistan sərhədində vəziyyətin kəskinləşməsi ehtimalı həddindən artıq böyükdür".

Ekspert hər iki tərəfin hərbi mənada hazırlıq gördüyünü deyib. O, hesab edir ki, əvvəl-axır toqquşma olacaq.
Felgenhauer gərginliyi hansı tərəfin başlayacağını bilmədiyini qeyd edib. Amma fakt ondan ibarətdir ki, hər iki tərəf bu gərginliyə hazırdır. Ola bilər ki, hər iki tərəfin bu məsələdə müəyyən maraqları var. "Müharibə təşəbbüskarının formal olaraq kim olacağını demək çətindir. Deməli artıq məsələ bunun baş verib-verməyəcəyi yox, nə zaman olacağıdır. Amma ötən ilin aprelində baş verən kimi hadisə praktiki olaraq qaçılmazdır. Bu tanqoya bənzəyir: onu hər zaman iki nəfər oynayır".
Ekspertin sözlərinə görə, gərginliyin hansı formada və miqyasda olacağı demək mümkün deyil. O, apreldəki dördgünlük müharibə kimi çox qısamüddətli də, daha çox ciddi də ola bilər. Ən azından ümid edək ki, müharibənin uzunmüddətli olmayacaq.

"Bu gün heç nəyi dəqiq demək mükün deyil. Amma mən əminəm ki, hər iki tərəf - həm Azərbaycan, həm də erməni baş qərargahları gözlənilən gərginliyə hazırlaşır".

Rus ekspert deyir ki, bu hazırlıq özünü yeni hərbi texnika, silah-sursat alış-verişində göstərir.

Mənbə: İstiPress

Telegramda izləyin

instagramda izləyin