Ailəyə dəhşətli hücum: Ana, ata və iki uşaq güllələnərək öldürüldü

Batmanın Beşiri rayonuna bağlı Eskihamur kəndində hərəkətdə olan avtomobilə silahlı hücum edilib.

Sonxeber.az türk mediasına istinadən xəbər verir ki, axşam saatlarında Mehmet Şanlının (65) idarə etdiyi avtomobil naməlum şəxslərin silahlı hücumuna məruz qalıb. Atəş nəticəsində sürücü ilə yanaşı, həyat yoldaşı Takibe Şanlı (43), qızları Elanur (9) və oğulları Akıncan Şanlı (6) hadisə yerindəcə dünyasını dəyişib.

Hadisə yerinə çox sayda təcili tibbi yardım və polis qüvvələri cəlb olunub. Araşdırmalar nəticəsində ailənin bütün üzvlərinin güllə yaraları səbəbindən həyatını itirdiyi müəyyənləşdirilib.

Batman Valiliyinin yaydığı açıqlamada bildirilib: "14.09.2025-ci il saat 22:55 radələrində Beşiri rayonunun Eskihamur kəndi yolunda M.Ş.-nin idarə etdiyi avtomobilə içərisində həyat yoldaşı T.Ş., qızı E.Ş. və oğlu A.Ş. olduğu halda kimliyi hələlik məlum olmayan şəxs və ya şəxslər tərəfindən silahlı hücum həyata keçirilib. İlkin araşdırmada avtomobildə olan 4 vətəndaşımızın hadisə yerində həyatını itirdiyi təsdiqlənib. Baş Prokurorluq tərəfindən istintaq başladılıb, təhlükəsizlik orqanları isə hadisənin aydınlaşdırılması üçün təcili tədbirlərə başlayıblar. Həlak olanlara Allahdan rəhmət, yaxınlarına səbir diləyirik".

Telegramda izləyin