Nikahda qeyri-adi an: Bəyin bu hərəkəti gəlinin təəccübünə səbəb oldu - VİDEO

Türkiyədə hənəfi məzhəbinə mənsub bir qadın ilə Aləvi bir kişinin nikah mərasimində maraqlı an yaşanıb.

Sonxeber.az türk mediasına istinadən xəbər verir ki, dədə nikahı zamanı bəyin baş barmağını masanın üzərinə qoyması gəlinin çaşqınlıqla ətrafına baxmasına səbəb olub. Qısa müddətlik tərəddüddən sonra gəlin də barmaqlarını masaya qoyaraq vəziyyəti yola verib.

Hadisə anı lentə alınıb və görüntülər qısa zamanda sosial şəbəkələrdə geniş yayılaraq izləyicilərin diqqətini çəkib.

Videonun altına yazılan şərhlərdə isə "Allah gənclərin nikahını qəbul etsin", "Baş barmağını niyə qoydu, ilk dəfə görürəm", "Gəlin bir anlıq şoka düşdü" kimi ifadələr yer alıb. İzləyicilərin əksəriyyəti hadisəni təəccüblə izləsə də, "Əsas odur ki, qəlblər bir olsun" deyə xoş niyyət bildirənlər də olub.

Telegramda izləyin