Hicablı qadın ilə ətək geyinmiş gənc qız arasında mübahisə sosial mediada gündəm oldu

Sosial mediada yayılan videoda hicablı bir qadın ilə ətək geyinmiş gənc qız arasında diqqət çəkən dialoq yaşanıb.

Sonxeber.az türk mediasına istinadən xəbər verir ki, qadın gənc qıza geyimləri ilə bağlı tövsiyə verərək deyib:
"Belə geyinmə, bu ayaqlar sənin deyil, Allahındır. Evin haradadır, gəlin gedək. Belə geyinsən sənə hücum edərlər. Sənin üçün ağlayacağam".

Gənc qız isə, "Bunun cəzasını mən çəkərəm. Bacı, mənə niyə hücum etsinlər? Mən belə geyinsəm, mənə hücum edə bilməzlər", - cavabını verib.

Video qısa zamanda viral olub. İzləyicilər müxtəlif şərhlər yazıblar: "Qadın sənə həyatının xeyirini edib. Bir gün anlayarsan, inşallah", "Mənim fikrimcə ən böyük günah "qul haqqı" yeməkdir", "Söylədiklərində yanlış heç nə yoxdur, amma heç kim tanımadığı birini zorla məcbur edə bilməz", "İndi bu qadınları buraxın, istədiyi kimi geyinsinlər".

Telegramda izləyin