Küçədə kütləvi dava: 20 yaşlı gənc boğazından bıçaqlandı - VİDEO

Eskişehirin Odunpazarı rayonunda, İstiqlal məhəlləsi Ulubat küçəsində baş verən davada 20 yaşlı Y.A. boğazından bıçaqlanaraq ağır yaralanıb.

Sonxeber.az türk mediasına istinadən xəbər verir ki, toy mərasimindən çıxan və spirtli içki qəbul etdiyi iddia edilən bir qrup ilə motosiklet sürücüsü M.G arasında mübahisə yaranıb. Qısa müddətdə böyüyən mübahisə davaya çevrilib. Kütlə tərəfindən döyülən motosikletçi bıçaqla cavab verib.

Dava zamanı B.Y. adlı şəxs ayağından yüngül, 20 yaşlı Y.A. isə boğazından aldığı bıçaq zərbəsi ilə ağır yaralanıb. Hadisə yerinə çağırılan təcili tibbi yardım briqadası yaralıya ilkin yardım göstərib və onu 10 dəqiqə ərzində Eskişehir Osmangazi Universiteti Tibb Fakültəsi Xəstəxanasına çatdırıb. Uğurlu əməliyyatdan sonra Y.A.-nın həyatını xilas etmək mümkün olub.

Ayağından yüngül yaralanan B.Y. isə Yunus Emre Dövlət Xəstəxanasına aparılıb və vəziyyətinin yaxşı olduğu bildirilib.

Hadisədən sonra motosikletlə ərazidən qaçan M.G. polis tərəfindən saxlanılaraq həbs olunub. Faktla bağlı araşdırma aparılır.

Telegramda izləyin