Uşaq velosipedinə əl qoymaq istəyənlər həbs edildi - VİDEO

İstanbulun Kağıthane rayonunda 3 sentyabr 2025-ci ildə baş verən hadisədə 16 yaşlı İ.H.K. ilə 13 yaşlı E.S., təkbaşına velosipedlə gəzən 10 yaşlı A.U.İ.-ni görərək ondan velosipedini tələb ediblər. Zərərçəkmiş uşaq velosipedini vermək istəmədikdə, həmin yeniyetmələr onu bıçaqlamaqla hədələyərək qovmağa başlayıblar.

Sonxeber.az türk mediasına istinadən xəbər verir ki, qaçan A.U.İ.-yə bu vaxt yoldan keçən avtomobil çırpılıb və ətrafdakı insanlar dərhal kömək göstəriblər. Bir müddət sonra ərazi sakitləşdikdən sonra yeniyetmələr yenidən uşağın yanına gələrək həm onu, həm də velosipedini təpikləyiblər..

Hadisənin ardından zərərçəkmiş 10 yaşlı uşaq A.U.İ. və atası İstanbul Baş Prokurorluğuna müraciət edərək şikayətçi olublar. Başlanan istintaq çərçivəsində İ.H.K. və E.S. saxlanılaraq polis idarəsinə aparılıb.

Onların ifadələri alındıqdan sonra İ.H.K. və E.S. Çağlayanda yerləşən İstanbul Ədliyyə Sarayına göndərilib. Prokurorluqda ifadə verən yeniyetmələr növbətçi hakimlik qarşısına çıxarılıb və "bir neçə nəfərin birlikdə soyğunçuluq etməsi" maddəsi ilə barələrində həbs qətimkan tədbiri seçilib.

Telegramda izləyin