Gənc qadın mübahisə zamanı sevgilisini bıçaqladı - VİDEO

Kayserinin Hacılar rayonunda bir qadın mübahisə zamanı sevgilisini bıçaqlayıb.

Sonxeber.az türk mediasına istinadən xəbər verir ki, hadisə İnecik məhəlləsi, Bəyəndik küçəsində yerləşən bir bağ evində baş verib. Məlumata görə, C.B. və S.M. birlikdə spirtli içki qəbul edərkən naməlum səbəbdən aralarında mübahisə yaranıb. Mübahisə qısa zamanda davaya çevrilib və C.B. mətbəxdən götürdüyü bıçaqla S.M.-ni sinəsindən yaralayıb.

Xəbərdarlıq əsasında hadisə yerinə polis və təcili tibbi yardım əməkdaşları cəlb olunub. Polis ərazidə təhlükəsizlik tədbirləri görərkən, tibb işçiləri ilkin müdaxilədən sonra yüngül yaralanan S.M.-ni Erciyəs Universiteti Tibb Fakültəsi Xəstəxanasına aparıblar.

Polis C.B.-ni saxlayaraq bağ evində araşdırma aparıb. Faktla bağlı istintaqa başlanılıb.

Telegramda izləyin