İki xəstəxana qəbul etmədi – həşərat dişləməsi gənc qadının ölümünə səbəb oldu

Londonda 28 yaşlı Marissa Laimou (Lemos) həşərat dişləməsi nəticəsində dünyasını dəyişib.

Sonxeber.az xarici mediaya istinadən xəbər verir ki, ailəsinin sözlərinə görə, gənc qadın iki xəstəxanadan geri çevrildikdən sonra vəziyyəti pisləşib və faciəvi şəkildə həyatını itirib.

Sentyabrın əvvəlindən Marissada başgicəllənmə, qaşınma, hərarət və infeksiya əlamətləri müşahidə olunub. Evə çağırılan həkim ona sadəcə parasetamol yazıb. Vəziyyəti düzəlməyən Marissa daha sonra xəstəxanaya müraciət edib. Onkoloqun da müayinəsindən sonra təcili yardım vasitəsilə başqa xəstəxanaya göndərilib.

Lakin ailəsinin iddiasına görə, burada onu həkim yox, tibb bacıları müayinə edib və xəstəxanaya yerləşdirilməsinə ehtiyac olmadığı bildirilib. "Həşərat dişləməsi" diaqnozu ilə antibiotik yazılaraq evə buraxılan qadın ertəsi gün yatağında ölü tapılıb.

Telegramda izləyin