93 yaşlı qadın döyülərək öldü – nəvəsi saxlanıldı

Türkiyədə dəhşətli hadisə baş verib.

Sonxeber.az türk mediasına istinadən xəbər verir ki, kənd sakini O.K. (40) 112 Təcili Çağrı Mərkəzinə zəng edərək, 93 yaşlı nənəsi Hanım Ayşe Kızılhanı tək yaşadığı evdə hərəkətsiz halda tapdığını bildirib və yardım istəyib.

Hadisə yerinə gələn təcili tibbi yardım briqadası yaşlı qadına ilkin tibbi yardım göstərərək onu Acıpayam Dövlət Xəstəxanasına çatdırıb. Lakin qadının bədənində ciddi xəsarət izləri aşkar olunub və həkimlərin bütün səylərinə baxmayaraq, onun həyatını xilas etmək mümkün olmayıb.

Meyit ölüm səbəbinin dəqiq müəyyənləşdirilməsi üçün məhkəmə-tibbi ekspertiza institutuna aparılıb.

Hadisə ilə bağlı araşdırma aparan Denizli İl Jandarma Komandanlığı nənəsinin ölümü barədə ziddiyyətli ifadələr verən O.K.-ni saxlayıb. Onun hadisə zamanı yüksək dərəcədə spirtli içki qəbul etdiyi müəyyən edilib.

İş üzrə istintaq davam etdirilir.

Telegramda izləyin