85 yaşlı məşhur iş adamı ofisində ölü tapıldı

Kayseri Organize Sənaye Bölgəsində fəaliyyət göstərən "Biricik Tekstil" şirkətinin qurucusu, 85 yaşlı iş adamı Ahmet Biricik ofisində həyatını itirmiş halda tapılıb.

Sonxeber.az türk mediasına istinadən xəbər verir ki, hadisə Organize Sənaye Bölgəsinin 14-cü küçəsində baş verib. Ahmet Biricik oğlu tərəfindən ofisində hərəkətsiz vəziyyətdə tapılıb. Xəbərdarlıq üzərinə əraziyə polis və təcili tibbi yardım briqadaları göndərilib.

Polis ərazidə təhlükəsizlik tədbirləri görərkən, həkimlər ilkin yoxlama zamanı iş adamının artıq vəfat etdiyini müəyyənləşdirib. Ədli Tibb mütəxəssislərinin araşdırmasından sonra Ahmet Biricikin ölümünün şübhəli hal kimi dəyərləndirilmədiyi, normal ölüm olduğu bildirilib.

Biricikin cəsədi morqa aparılıb.

Telegramda izləyin