Məktəbə basqın etdi: tanımadığı müəllimi bıçaqladı

Türkiyədə, Vanın İpekyolu rayonunda yerləşən Şəhid Kemal Görgülü Əsas və Orta Məktəbində səhər saat 08:30 radələrində dəhşətli hadisə baş verib.

Sonxeber.az türk mediasına istinadən xəbər verir ki, məlumata görə, boşanmaq ərəfəsində olan bir şəxs, qayın olan sinif müəllimi R.A.-ya hücum etmək məqsədilə məktəbə gəlib. Lakin müəllimin günorta dərsində olacağını bilməyən şəxs, sinif lövhələrində müəllimin adını görərək onun dərsdə olduğunu düşünüb və bıçaqla sinfə daxil olub

Hücum edən şəxs həmin vaxt dərs keçirən və hadisə ilə əlaqəsi olmayan Türk dili müəllimi E.Ş.-ni qarın boşluğundan bıçaqlayıb.

Məktəb müdiri və digər müəllimlərin müdaxiləsi nəticəsində şəxs təsirsiz hala gətirilib və polisə təhvil verilib. Müdaxilə zamanı müəllim R.Y. də əlindən xəsarət alıb.

Yaralanan müəllimlər xəstəxanaya çatdırılıb, hadisə zamanı qorxu içində olan şagirdlər isə evlərinə göndərilib. Hücum edən şəxs isə məhkəmə tərəfindən həbs edilib.

Telegramda izləyin