Otelin həyətində kişi meyiti tapıldı

Antalyanın Manavqat rayonunda faciəvi hadisə baş verib.

Sonxeber.az türk mediasına istinadən xəbər verir ki, Evrenseki məhəlləsində yerləşən bir otelin sahilindəki su idmanı stansiyasında 31 yaşlı Mustafa Yaşarın cansız bədəni aşkarlanıb.

Hadisə dünən səhər saatlarında baş verib. Sahil işçiləri hərəkətsiz halda yatan birini görərək dərhal 112 Təcili Çağrı Mərkəzinə məlumat veriblər. Əraziyə gələn təcili tibbi yardım və polis əməkdaşları gəncin artıq dünyasını dəyişdiyini təsdiqləyiblər. Onun şəxsiyyətinin Mustafa Yaşar olduğu müəyyənləşdirilib.

Hadisənin intihar ola biləcəyi ehtimal edilir. Mustafa Yaşarın meyiti Cumhuriyyət prokuroru və tibbi ekspertin ilkin baxışından sonra dəqiq ölüm səbəbinin müəyyənləşdirilməsi üçün Antalya Məhkəmə Tibbi Ekspertiza İdarəsinin morquna aparılıb.

Digər tərəfdən, Yaşarın faciədən təxminən 12 saat əvvəl sosial şəbəkədə diqqətçəkən bir paylaşım etdiyi məlum olub. O, yazısında belə ifadələr işlədib: "Yüreğimdə acılarla, kimsesizliğimle gömün beni. Katili kim diye sorarlarsa en güvendikleri, en sevdikleri deyin"

Telegramda izləyin