60 yaşdan sonra səhər yeməyi üçün tövsiyə edilməyən qidalar

60 yaşdan yuxarı insanlarda onilliklər boyu formalaşmış müəyyən qida və həyat tərzi vərdişləri olur. Lakin həkimlər xəbərdarlıq edirlər ki, bəzi zərərli vərdişlərdən imtina etmək vacibdir, xüsusən də ürək sağlamlığını qorumaq üçün,

Lent.az xarici mediaya istinadla bildirir ki, məlumatlara görə, kişilərdə ilk infarktın orta yaşı 65, qadınlarda isə 72-dir. Bu səbəbdən gündəlik vərdişlər ürək-damar xəstəliklərinin və infarkt riskinin azaldılmasında həlledici rol oynayır.

Təhlükəli səhər yeməyi

Nəşrin söhbətləşdiyi üç kardioloqun fikrincə, hər səhər yeyilən kolbasa və ya bekon ürəyə əlavə yük yaradır.

Kardioloq Lars Sonderqaard bildirir ki, yüksək natrium və doymuş yağ tərkibinə görə bu cür emal olunmuş ətli məhsullar qısa müddətdə təzyiqi və xolesterini artıra bilər. Kardioloq əlavə edir ki, bu məhsulların gündəlik qəbulu orqanizmdə iltihabi prosesləri gücləndirir, çəki artımına səbəb olur və nəticədə ürəyin yükünü artırır.

Uzunmüddətli istifadənin riski daha da böyükdür: infarkt, insult, böyrək çatışmazlığı və hətta demensiyaya gətirib çıxara bilər.

Digər məhsullara da diqqət edin
Mütəxəssislər 60 yaşdan sonra səhər yeməyində yağ, xəmir məhsulları və qızardılmış yeməklərin miqdarını da minimuma endirməyi tövsiyə edirlər.

Sağlam qidalanma tövsiyələri
Kardioloq Devid Sabgir qeyd edir ki, doymamış yağlar ürək sağlamlığı üçün çox faydalıdır. Onlar zərərli xolesterini azaldır, faydalı xolesterini artırır, trigliseridlərin və təzyiqin səviyyəsini aşağı salır. Doymamış yağlar zeytun yağında, qoz-fındıqda, toxumlarda və yumurtada olur.

Kardioloq Covanni Kampanile isə giləmeyvələrin qəbulunu məsləhət görür. Onların tərkibindəki antioksidantlar (antosiayanlar və polifenollar) orqanizmdə oksidləşmə stresini və iltihabı azaldır, bu isə ürək xəstəliklərinin əsas səbəblərindən ikisini aradan qaldırmağa kömək edir.

60 yaşdan sonra səhərlər kolbasa, bekon və digər yağlı məhsulların qəbulu ürək üçün təhlükəlidir. Daha sağlam səhər yeməyi üçün zeytun yağı, qoz-fındıq, yumurta və giləmeyvə kimi faydalı məhsullara üstünlük vermək tövsiyə olunur

Telegramda izləyin