Bir torba qızıl oğrulayan soyğunçulardan biri damda yatarkən saxlanıldı

Mersin polisi, elektron siqnal pozucu cihazdan istifadə edərək girdikləri zərgərlik mağazasından 16 milyon lirə dəyərində qızıl və zinət əşyası oğurlayan 4 şübhəlini Adanada saxlayıb.

Sonxeber.az türk mediasına istinadən xəbər verir ki, şübhəlilərdən birinin damda yatarkən tutulması diqqət çəkib. Soyğun anı isə təhlükəsizlik kameralarına düşüb.

Hadisə 6 sentyabrda Mersinin Akdeniz rayonunun Çankaya məhəlləsində, Atatürk prospektində Ulu Cami qarşısındakı zərgərlik mağazasında baş verib. Həftəsonu fürsətindən yararlanan maskalı şəxslər səhər tezdən mağazanın dəmir darvazasını elektron siqnal pozucu ilə açaraq içəri giriblər.

Onlar təxminən 16 milyon lirə dəyərində qızıl və zinət əşyalarını götürüb, darvazanı bağladıqdan sonra hadisə yerindən qaçıblar. Dükkana gələn sahibin oğurluğu aşkarlamasından sonra polis kameraları incələyərək araşdırmalara başlayıb.

Kimlikləri dəqiqləşdirilən şübhəlilərin yaxalanması üçün əməliyyat keçirilib. Əməliyyat zamanı hadisəni törədən 4 nəfərin də aralarında olduğu, əvvəllər "kassa oğurluğu"ndan məhkum olunmuş 6 şəxs Adanada saxlanılıb. Onlardan birinin damda yatarkən tutulması görüntülərə əks olunub.

Telegramda izləyin