"Pul tapa bilsək, ödəyəcəyik"

İstanbulda iş yerindən çıxan üç dost, bankomat vasitəsilə Ali Sevimin təxminən 863 manatlıq kirəsini ödəmək istədi. Pul yüklənsə də, Şerif Yalçın son təsdiq düyməsini basmadan dostları ilə oradan ayrıldı.

Sonxeber.az türk mediasına istinadən xəbər verir ki, bir müddət sonra bankomat pulu geri qaytararaq xəbərdarlıq səsi çıxardıb. Bu səsi eşidən başqa şəxs bankomatın yanına yaxınlaşaraq pulu götürüb və hadisə yerindən uzaqlaşıb. Hadisə bir iş yerinin təhlükəsizlik kamerasına da əks olunub.

Kirəsini ev sahibinə çatdıra bilməyən Ali Sevim bildirib:

"Çarəsiz ödəyəcəyik. Ev sahibindən vaxt istədik, bizə iki həftə müddət verdi. Pul tapa bilsək, ödəyəcəyik".

Pul yüklənərkən dostunun yanında olan Şerif Yalçın isə açıqlama verib:

"Bankomatın içinə 863 manat qoyduq. Bizə 8,28 manat geri verildi. Son təsdiq düyməsi qalırdı. Bankomat siqnal verərkən biz uzaqlaşdıq. Arxamızdan biri gələrək pulu götürüb. Əlimizdə iki ayrı kamera görüntüsü var. Bu dostumuz zərərçəkəndir. Lazımi qurumlara və polisə müraciət etdik. Bu, oğurluqdur. Bunu polisə təqdim edə bilərik".

Avcılar rayonunda sosial şəbəkələr vasitəsilə pulu alan şəxsi tapmağa çalışan üç dostdan biri, onu dünən tanıyaraq dayandırdı. Şəxs, vəziyyəti dinlədikdən sonra Şerif Yalçından bir az vaxt istəyərək götürdüyü pulu qaytaracağını bildirib.

Telegramda izləyin