Küçənin ortasında düşmənini güllələdi - VİDEO

Bursada iki nəfər arasında yaranan düşmənçilik qanlı olayla nəticələnib.

Sonxeber.az türk mediasına istinadən xəbər verir ki, tüfəngə sarılan şəxs izdihamın içinə girərək düşmənini başından vurub. Hadisə anı ətrafdakı təhlükəsizlik kameralarına saniyə-saniyə əks olunub.

Məlumata görə, hadisə Osmangazi rayonunun Demirtaş məhəlləsində baş verib. Pompalı tüfənglə vurulan şəxs ağır yaralanıb.

Bir müddət əvvəl Özay Aslin ilə Kenan B. arasında başlayan mübahisə davaya çevrilib. İddiaya görə, Aslin iki dostu ilə birlikdə Kenan B.-ni döyüb. Bitməyən düşmənçilik isə dünən yenidən qarşıdurmaya səbəb olub.

Görüntülərdə Kenan B.-nin yanında gətirdiyi tüfənglə Özay Aslinə atəş açdığı anlar yer alıb. Başına dəymiş saçmalarla ağır yaralanan Aslin, ətrafdakıların məlumatı əsasında hadisə yerinə gələn təcili tibbi yardım əməkdaşları tərəfindən Bursa Şəhər Xəstəxanasına çatdırılıb. Onun həyatının hələ də təhlükədə olduğu bildirilib.

Hadisədən sonra Kenan B. polisə təslim olub. Hadisə anı isə ətrafdakı təhlükəsizlik kameraları tərəfindən qeydə alınıb.

Telegramda izləyin