Avtomobili güllə yağışına tutdular: Bir ölü, bir yaralı - VİDEO

Diyarbakırın Kocaköy rayonunda silahlı hücum baş verib.

Sonxeber.az türk mediasına istinadən xəbər verir ki, günorta saatlarında Lice rayonunun Çavundur kəndində iki ailə arasında baş verən dava zamanı bir nəfər ayağından yaralanıb. Axşam saatlarında isə Kocaköyün Gözebaşı kəndində tərəflər yenidən üz-üzə gəlib. Bu zaman avtomobildən düşən naməlum şəxs və ya şəxslər uzun lüləli silahla qarşı tərəfin avtomobilinə atəş açıblar.

Atəş nəticəsində avtomobildə olan 45 yaşlı M.B. və 24 yaşlı Əli Kaplaner yaralanıb. Hadisə yerinə polis və təcili tibbi yardım briqadası cəlb olunub. Yaralılar ilkin tibbi yardımdan sonra Kocaköy Dövlət Xəstəxanasına aparılıblar. Lakin Əli Kaplaneri xilas etmək mümkün olmayıb. Onun meyiti incələnmə üçün morqa göndərilib.

Hadisə ilə bağlı istintaq başladılıb.

Telegramda izləyin