62 yaşlı kişi park edilmiş avtomobildə ölü tapıldı - VİDEO

Antalyada müəmmalı ölüm hadisəsi baş verib.

Sonxeber.az türk mediasına istinadən xəbər verir ki, 62 yaşlı Mukadder Şen yol kənarında park edilmiş avtomobilin arxa oturacağında ölü halda tapılıb.

Hadisə saat 14:30 radələrində Konyaaltı rayonunun Molla Yusuf məhəlləsində, Hürriyyət küçəsində qeydə alınıb. Məlumata görə, 07 S 5576 dövlət nömrə nişanlı "Tofaş" markalı avtomobilin arxa oturacağında hərəkətsiz yatan şəxsi görən vətəndaşlar polisə və təcili tibbi yardıma məlumat veriblər. Hadisə yerinə gələn qruplar həmin şəxsin 62 yaşlı Mukadder Şen olduğunu müəyyənləşdirib və onun artıq dünyasını dəyişdiyini təsdiqləyib.

Bundan sonra Asayiş Şöbəsinin Cinayət və İstintaq bölmələri ilə Olay Yeri Araşdırma qrupu əraziyə cəlb olunub. Avtomobil üzərində barmaq izi və digər dəlillər toplanıb. Maşında bardaq içində alkoqollu olduğu ehtimal edilən maye aşkarlanaraq dəlil torbasına qoyulub. Prokurorluq və polis araşdırmasından sonra Mukadder Şenin meyiti dəqiq ölüm səbəbinin müəyyənləşdirilməsi üçün Antalya Ədli Tibb Məntəqəsinə göndərilib.

Mərhumun həyat yoldaşı və oğlu hadisəni eşidərək avtomobilin olduğu yerə gəlib. Onun arxa oturacaqda tapılması səbəbilə ətrafdakı təhlükəsizlik kameraları incələnib. Məlum olub ki, Mukadder Şen ötən gecə evdən çıxıb və avtomobili saat 01:00 radələrində bir şəxs hadisə yerinə gətirib park edib. Avtomobil qoyulduğu vaxt Şenin hələ hərəkətli olduğu görülüb. Onun bədənində zorakılıq və ya kəsici-deşici alət izinə rast gəlinməyib.

Polis hadisə ilə bağlı araşdırmanı davam etdirir.

Telegramda izləyin