Məşhur iş adamı faciəvi şəkildə həyatını itirdi

Kocaelinin Kartepe rayonunda Sapancanın tanınmış iş adamı və Sapancaspor klubunun sabiq prezidenti Fatih Balkaya faciəvi halda həyatını itirib.

Sonxeber.az türk mediasına istinadən xəbər verir ki, hadisə dünən günorta saatlarında baş verib. İlkin məlumata görə, Balkaya dostunun evində olarkən boş olduğunu düşündüyü tapançanı çıxarıb. Silahı başına doğru tutaraq atəş açması nəticəsində iş adamı özünü təsadüfən vurub.

Sağlıq işçiləri hadisə yerində ilkin yardım göstərsələr də, ağır yaralanan Balkaya Kocaeli Şəhər Xəstəxanasına yerləşdirilib. Entübe vəziyyətdə müalicə alsa da, onun həyatını xilas etmək mümkün olmayıb.

Məsələ ilə bağlı Sapancaspor sosial şəbəkə hesabında başsağlığı mesajı yayımlayıb:

"Klubumuzun sabiq prezidentlərindən Fatih Balkaya vəfat edib. Allahdan rəhmət, kədərli ailəsinə və bütün camiəmizə səbr diləyirik."

Telegramda izləyin