Yedikləri yemək ailəni faciə ilə üz-üzə qoydu: 2 uşaq öldü, ana reanimasiyadadır

İstanbulun dəhşətli hadisə baş verib. Yedikləri yeməkdən sonra halı pisləşən ailənin 2 və 4 yaşlı övladları həyatını itirib, ana isə reanimasiyaya yerləşdirilib.

Sonxeber.az türk mediasına istinadən xəbər verir ki, hadisə sentyabrın 22-də qeydə alınıb. Məlumata görə, Yücel Birkent həyat yoldaşı Aleyna Birkent və övladları – 4 yaşlı Alparslan və 2 yaşlı Melisa Rabia ilə birlikdə yemək yedikdən sonra özlərini pis hiss ediblər. Qusma şikayəti ilə xəstəxanaya aparılan ailədən Aleyna Birkentin ürək tutması keçirdiyi müəyyən edilib və dərhal müalicəyə götürülüb. Ata və uşaqlar isə ilkin tibbi yardımdan sonra evə buraxılıb.

Lakin ertəsi gün səhər saatlarında uşaqların vəziyyəti yenidən pisləşib. Ata onları təkrar xəstəxanaya aparsa da, azyaşlılar bütün müdaxilələrə baxmayaraq xilas edilə bilməyib.

Hadisə ilə bağlı polis və prokurorluq tərəfindən araşdırmalara başlanılıb. Həyatını itirən uşaqlar – 4 yaşlı Alparslan və 2 yaşlı Melisa Rabia Birkent Arnavutköy Boğazköy qəbiristanlığında dəfn olunub.

Araşdırma davam edir.

Telegramda izləyin