Uşaq sahibi olmaq üçün getdiyi xəstəxanada həyatının şokunu yaşadı

Bursada yaşayan 24 yaşlı Mukaddes Polat uşaq sahibi olmaq arzusu ilə xəstəxanaya müraciət edib.

Sonxeber.az türk mediasına istinadən xəbər verir ki, müayinə zamanı onun bətnində 2 kilo 700 qramlıq nəhəng kütlə aşkar olunub. Keçirilən əməliyyatla kütlə götürülüb və gənc qadın sağlamlığına qovuşub.

Əməliyyatı həyata keçirən dosent doktor Mustafa Burak Akselim açıqlamasında bildirib:

"Xəstəmiz 24 yaşındadır. Xarici mərkəzdə edilən müayinələr zamanı qarın boşluğunu dolduran kütlə aşkarlanıb və bizə müraciət edib. Apardığımız müayinə və görüntüləmələrdə təxminən 30-35 sm ölçüdə, qarının demək olar ki, hamısını tutan miyom aşkar olundu və əməliyyata qərar verdik. Rahmin üst və arxa divarını tutan bu miyom hamiləlikdəki uşaqlıq ölçülərinə qədər böyümüşdü. Biz əməliyyatı uşaqlığı qoruyaraq uğurla həyata keçirdik. Patoloji müayinələrdə xoşagəlməz nəticə ilə rastlaşmadıq. Çıxarılan kütlə təxminən 2,7 kiloqram ağırlığında idi. Xəstəmiz qısa müddətdə sağlamlığına qovuşdu. Bu cür hallarda erkən diaqnoz və vaxtında müdaxilə çox önəmlidir"

Əməliyyatdan sonra özünü yaxşı hiss etdiyini bildirən Mukaddes Polat isə deyib:
"Əvvəlcə uşaq sahibi olmaq üçün həkimə müraciət etmişdim, lakin qarınımda kütlə aşkarlandı. Əməliyyat olundum və çox uğurlu keçdi. Hazırda heç bir problemim yoxdur, özümü çox yaxşı hiss edirəm."

Telegramda izləyin