Polis falçıların evinə basqın etdi, görün nələr tapıldı

Malatyada "muska və cadu" adı altında 27 nəfəri aldadan şəbəkə ifşa edildi

Malatyada muska düzəltmə, cadu pozma, falçılıq və guya "şəfa üçün qurban kəsmə" üsulları ilə insanları aldadan 7 nəfər polis əməliyyatı nəticəsində saxlanılıb.

Sonxeber.az türk mediasına istinadən xəbər verir ki, onların 27 nəfəri aldadaraq milyonlarla manat dəyərində mənimsəmə etdiyi müəyyən olunub.

İstintaq zamanı şübhəlilərin bank hesablarında 34 milyon 168 min lirə (təxminən 1,8 milyon manat) dəyərində maliyyə hərəkəti aşkar edilib. Əməliyyat zamanı şübhəlilərin evlərində və iş yerlərində axtarış aparılıb.

Polis tərəfindən keçirilən baskınlarda "cadu və muska hazırlama"da istifadə olunduğu iddia edilən müxtəlif əşyalar – ərəb əlifbası və qədim yazılarla yazılmış ceyran dərisi, ilan dərisi, taxta qaşıq, bez parçası, atleti, at nalı, sabun və digər materiallar aşkarlanıb. Bundan əlavə, on minlərlə avro və dollar da götürülüb.

Şübhəlilərin adları açıqlanmayıb. Onlar barəsində cinayət işi açılıb və hazırda polis idarəsində istintaq hərəkətləri davam etdirilir.

Telegramda izləyin