4 və 2 yaşlı bacı-qardaş zəhərlənmədən həyatlarını itirdilər

İstanbulun Eyüpsultan rayonunun Topçular məhəlləsində ürəkləri dağlayan hadisə yaşanıb.

Sonxeber.az türk mediasına istinadən xəbər verir ki, 22 sentyabrda Birkent ailəsi birlikdə yedikləri yeməkdən sonra zəhərləniblər.

Ailə təcili tibbi yardımla xəstəxanaya aparılıb. Burada ananın ürək tutması keçirdiyi müəyyən olunub. Ata və uşaqlar isə ilkin müalicədən sonra evə buraxılıb.

Lakin ertəsi gün səhər saatlarında uşaqlar yenidən halı pisləşdiyi üçün ata onları təkrar xəstəxanaya aparıb. Təəssüf ki, həkimlərin bütün müdaxilələrinə baxmayaraq 4 yaşlı Alparslan və 2 yaşlı Melisa Rabianın həyatını xilas etmək mümkün olmayıb. Ana Aleyna Birkentin isə xəstəxanada müalicəsinin davam etdiyi bildirilir.

Hadisənin yeni görüntüləri də ortaya çıxıb. Kadrda ananın əlil arabasında xəstəxanaya gətirildiyi, uşaqların isə nənə və atalarının qucağında içəri daxil olduğu, daha sonra ananın xərəkdə daşındığı əks olunub.

Məsələ ilə bağlı prokurorluq tərəfindən istintaq başladılıb.

Telegramda izləyin