Bel ağrısından qurtulmağa kömək edən ən sadə poza

Müxtəlif sadə üsullar arasında bel sağlamlığını qorumaq üçün ən effektiv və əlçatan variantlardan biri sadəcə döşəmədə uzanmaqdır.

Lent.az-ın xarici mediaya istinadla xəbərinə görə, bu vərdiş onurğanı düzgün vəziyyətə gətirməyə, gərgin əzələləri boşaltmağa və bel nahiyəsindəki ağrını azaltmağa kömək edə bilər.

Döşəmədə uzanmağın bel üçün faydası

Oturaraq işləyənlər üçün

Döşəmədə uzanmaq belin yükünü azaltmaq və bədəni başqa mövqeyə gətirmək üçün əla üsuldur. Bu xüsusilə uzun müddət oturaq iş görən insanlar üçün faydalıdır. Lakin bu üsulu hərəkətsiz həyat tərzinin daimi əvəzləyicisi kimi istifadə etmək olmaz. Sərt səthlər bel ağrısını azaltmağa kömək edə bilər. Amma hamı üçün uyğun deyil əgər oynaq problemləri və ya onurğa xəstəlikləri varsa, sərt döşəmədə uzanmaq məsləhət deyil.

Əzələlərin gərginliyini azaltmaq

Dizləri qaldırılmış vəziyyətdə və ya altına balış qoyaraq kürəyi üstə uzanmaq bel əzələlərinin boşalmasına kömək edir. Bu, fizioterapiyada istifadə olunan boşaldıcı məşqlərə bənzəyir.

Psixoloji effekt və rahatlama

Döşəmədə uzanmaq bədəndə "yenilənmə" hissi yarada bilər, yorğunluğu azaldır və dərin rahatlama təmin edir. Bir çox insan sərt səthdə uzandıqdan sonra bədənində yüngüllük hiss etdiyini bildirir.

Duruşun yaxşılaşması

Sərt səthdə müəyyən müddət uzanmaq düzgün onurğa vəziyyətini "hissetməyə" kömək edir və duruşu yaxşılaşdırır. Bu xüsusilə uzun müddət oturan insanlar üçün aktualdır.

Döşəmədə düzgün uzanma üsulları

Dizləri qaldırılmış vəziyyətdə uzanma

Sərt səthin üzərinə (xalça və ya nazik yorğan üstünə) kürəyi üstə uzanın. Ayaqlarınızı yerə qoyun, dizlər bükülü olsun.

Əllərinizi bədən boyunca rahat vəziyyətdə saxlayın.
Bu poza beldəki gərginliyi və ağrını azaldır, onurğanı düzəldir.

"Ulduz" pozası ilə rahatlama

Kürəyi üstə uzanın, qollar və ayaqlar bir az aralı olsun.

Gözlərinizi bağlayın, 5–10 dəqiqə dərin və bərabər nəfəs alın. Bu üsul bədəndə dərin rahatlama hissini gücləndirir. Döşəmədə uzanmanı uzun müddət deyil, qısa seanslarla (5–15 dəqiqə) etmək daha faydalıdır. Sümük nahiyələrində təzyiqi azaltmaq üçün xalça və ya nazik yorğan istifadə edin.

Telegramda izləyin